Daniel Gwydion Williams

Mae Daniel Gwydion Williams (fel rheol, Daniel Williams) (ganwyd Mai 1972) yn ddarlithydd, awdur a cherddor jazz. Mae'n arbenigo mewn llenyddiaeth Saesneg o Gymru, y cysylltiad rhwng Cymru a'r Unol Daleithiau a phorfiadau, diwylliant a llenyddiaeth bobl ddu America, amlieithrwydd a theori a llenyddiaeth asgell chwith.

Bywgraffiad

Magwyd Daniel Williams yn Aberystwyth lle fynychodd Ysgol Gyfun Gymunedol Penweddig yn y dref. Mae'n un o ddau fab ac mae ei frawd, Tomos, yn canu'r trwmped gydag ef yn eu band jazz, 'Burum'. Ei dad yw'r hanesydd, Gareth Williams sy'n arbenigwr ar hanes cymdeithasol Cymru y 19g a'r 20g ac yn arbennig hanes canu corawl a rygbi.

Mae Daniel yn byw ym Mhontardawe ac yn briod a ganddo ddau blentyn.

Mae'n Athro a darlithydd yn Adran Saesneg Prifysgol Abertawe.

Gyrfa Academaidd

Addysgwyd ef ym Mhrifysgol East Anglia, Prifysgol Harvard a Choled y Brenin, Prifysgol Caergrawnt. Mae bellach yn Athro Llenyddiaeth Saesneg Canolfan Richard Burton ar gyfer astudio Cymru ym Mhrifysgol Abertawe.

Roedd yn Athro Visiting yn Mhrifysgol Harvard yn 2012 a arianwyd gan y Leverhulme Trust a chyfarwyddwr Centre for Research into the Literature and Language of Wales rhwng 2007 a 2010.

Llyfryddiaeth

Awdur

Ethnicity and Cultural Authority: From Arnold to Du Bois (Gwasg Prifysgol Caeredin, 2006)

Black Skin, Blue Books: African Americans and Wales (Gwasg Prifysgol Cymru, 2012).

Golygydd

Slanderous Tongues: Essays on Welsh Poetry in English 1970-2005 (Gwasg Seren, 2010)

Canu Caeth: Affro-Americaniaid a’r Cymry (Gwasg Gomer, 2010)

Beyond the Difference: Welsh Literature in Comparative Contexts (University of Wales Press, 2004) cyd-awdurwyd gydag Alyce von Rothkirch

Who Speaks for Wales? Nation, Culture, Identity (University of Wales Press, 2003) golygydd casgliad o ysgrifau Raymond Williams

Safbwyntiau (2012 - ) golygydd cyffredinnol y gyfres ar astudiaethau diwylliannol (Gwasg Prifysgol Cymru)

Writing Wales in English (Gwasg Prifysgol Cymru), cyfres o fonograffau CREW. Cyd-olygydd gyda Kirsti Bohata

The Celtic Nations and the African-Americas (2010) cyfrol arbennig a Astudiaethau Cymharol Americanaidd

Raymond Williams in Japan (2011) cyfrol arbenig o 'Keywords'

Cerddoriaeth

Mae'n canu'r sacsoffon gyda'r chwechawd gwerin-jazz, Burum. Perfformiodd y band yng Gŵyl Ryng-geltaidd An Oriant yn Llydaw yn 2018.

Disgograffi

Alawon: The Songs of Welsh Folk (Recordiau Fflach, 2007)

Caniadau (Recordiau Bopa, 2012)

Gwleidyddiaeth

Mae'n gynghorydd Plaid Cymru ar Gyngor Cymuned Pontardawe. Safodd fel ymgeisydd i Blaid Cymru yn etholeth Castell-nedd yn Etholiad cyffredinol y Deyrnas Unedig, 2017 a 2019.

Dolenni

• Daniel Gwydion Williams ar Twitter
• Gwefan Burum
• 'Lisa Lân' gan Burum gyda Daniel Williams ar Saxaffon, Youtube

Cyfeiriadau