Dalimil

Ĉeĥlingva literaturo

Kronikisto Dalimil (14-a jarcento) estas anonima aŭtoro de la unua ĉeĥlingva kroniko, en versoj, priskribanta la historion de Bohemio ĝis la jaro 1314, kiam regis Johano de Luksemburgio. La nomon "Dalimil" oni donis al la aŭtoro pro eraro en postaj jaroj, sed ĉar la vera nomo ne estas konata, pro tradicio oni lasis ĝin (ofte oni parolas pri Bohema kroniko de tiel nomata Dalimil).

Ĝi konserviĝis en tri manuskriptoj kaj havas 106 koncizajn ĉapitrojn. Oni supozas, ke la aŭtoro estis nobelo patriotisma, ne pastro, ĉar lin interesas praktikaj aferoj pli ol la religiaj.

La 18-an de marto 2005 la Ĉeĥa respubliko aĉetis en aŭkcio en Francio fragmenton de la latina traduko de la kroniko el la 14-a jarcento.

Eksteraj ligiloj

http://people.fsv.cvut.cz/~gagan/jag/litera/dalimil.htm