Christian George Maasdorp

Christian George Maasdorp (1848 - 1926) was Regter-president van die Kaapkolonie en broer van sir Andries Ferdinand Stockenstrom Maasdorp. Hy is op Malmesbury gebore en ontvang sy opleiding in Graaf-Reinet en Londen. Hy word in 1871 toegelaat tot die Inner Temple en keer na die Kaap terug om in dieselfde jaar daar toegelaat te word. Nadat hy in Griekwaland-Wes en 3 jaar lank in die Oostelike Distrikte-hof gepraktiseer het, word hy in 1877 aangestel as Prokureur-generaal van Transvaal. Hy bedank egter in 1880 en verhuis na Kaapstad. In 1885 word hy 'n regter van die Oostelike Distrikte-hof en in 1896 word hy verplaas na die Kaapse regsbank. Na Unie-wording word hy aangestel as Regter-president van die Kaap en Appélregter. Hy tree in 1922 af en is in Mei 1926 oorlede.

Sien ook

• Hoofregter van Suid-Afrika

Bron

• Ensiklopedie van Suidelike Afrika, Eric Rosenthal, 1967.