Carmina Paraíso Santolaria

Carmina Paraíso Santolaria (Uesca, 1959) ye una mayestra d'escuela y poeta. Ye profesora de luenga aragonesa dende l'anyada 2002 en bells lugars d'a Val de Tena (C.R.A. "Alto Gállego") y Chaca (C.E.I.P. "Monte Oroel", C.E.I.P. "San Juan de la Peña" e I.E.S. "Pirineos"), y miembro d'o Consello d'a Fabla Aragonesa. Colaboró en o programa en aragonés "Charramos" de Radio Huesca, y en as revistas Siete de Aragón y Fuellas.

Ye autora de CHINA CHANA. Unidad didáctica de acercamiento a la Lengua aragonesa, editada por Edelvives y o Concello de Zaragoza, 2006.

As variedatz dialectals de l'aragonés central y meridional, charradas en a val d'a Garona y en as sierras de Lobarre, Caballera y Gratal, son l'alazet de l'aragonés emplegau en a suya poesía.

Obra poetica

• Zeños (Premio Villa de Sietemo, accesit de poesía), 1999.
• Pardos d'Arpán (Premio Villa de Sietemo, Premio especial Semontano, 2003).
• Plumión de Cardelina (Premio Villa de Sietemo, Premio especial Semontano, 2005).
• Si o tiempo me acompaña (Premio Villa de Sietemo, Premio cheneral de poesía, 2007).
• A escondeducas en l'alcoba (ganadora d'o Premio Arnal Cavero 2007 d'o Gubierno d'Aragón).
• En tierra mantornata (Premio Ana Abarca de Bolea, 2018)

Vinclos externos

• "China chana. Unidad didáctica de acercamiento a la lengua aragonesa". Unidat didactica ta escolanos d’amostranza primaria".