Carl Gottlob Schirach
sorbischer Pfarrer und Herausgeber
Biography
Lists
Also Viewed
The basics
Quick Facts
| Intro | sorbischer Pfarrer und Herausgeber | ||
| was | Author | ||
| Work field | Literature | ||
| Gender |
| ||
| Birth | 25 February 1764, Kleinbautzen | ||
| Death | 16 September 1836Reichwalde (aged 72 years) | ||
| Family |
|
The details
Biography
Narownej pomnikaj fararja Šěracha a jeho mandźelskeje w Rychwałdźe
Korla Bohuchwał Šěrach (němsce Karl Gottlob Schirach; * 25. februara 1764 w Budyšinku, † 16. septembra 1836 w Rychwałdźe) bě serbski ewangelski farar a w lěće 1790 sobuwudawaćel prěnjeho serbskeho časopisa, Měsačneho pisma k rozwučenju a wokřewjenju.
Narodźi so jako syn Budyšinskeho ewangelskeho fararja Hadama Bohuchwała Šěracha a studowaše po wopyće Budyskeho gymnazija wot 1782 do 1786 we Wittenbergu teologiju. Po zakónčenju studija dźěłaše najprjedy jědnaće lět jako domjacy wučer mjez druhim w Budyšinje a w lěće 1797 přewza Rychwałdske farske městno.
Za Budyski čas załožištaj – pod wliwom idealow Francoskeje rewolucije – hromadźe z Janom Awgustom Janku prěnje ćišćane nowiny w serbskej rěči, Měsačne pismo k rozwučenju a wokřewjenju, kotrež so wšak hižo po prěnim wudaću ze stracha před rozšěrjenjom strašnych idejow wot wyšnosće zakaza.
Žórło
- Błažij Nawka: Šěrach, Korla Bohuchwał. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 540