Biography
Lists
Also Viewed
The basics
Quick Facts
| Places | Indonesia | |
| is | Actor | |
| Work field | Film, TV, Stage & Radio | |
| Gender |
| |
| Profiles |  | |
| Birth | 21 November 1961, Yogyakarta, Special Region of Yogyakarta, Indonesia | |
| Age | 63 years |
The details
Biography
Butet Kartaredjsa iku seniman kang duwéni kaprigelan ing donya seni pertunjukan lan Seni Lukis. Sadurunge ing teater Butét tau dadi sketser (tukang gambar vignet) lan tukang nulis freelance kanggo perkara-perkara sosial budaya ing koran lokal utawa nasional, kayata: KR, Bernas, Kompas (koran), Mutiara, Sinar Harapan, Hai, Merdéka, Topik, Zaman, lan liya liyané. Dheweké uga giat dadi tukang gambar lan tukang ngamati owah-owahane donya seni lukis.Butet Kertaradjasa (lair ing Yogyakarta 21 November 1961)
Butet duwéni sedulur cacahe 7, dhèwèké anak nomer 5 saka seniman gambar lan koreographer Bagong KussudiardjaButet. Butet Kertaradjasa duwé garwa namane Rulyani Isfihana. Saka garwan iku Butet duwé anak 3, namane Giras Basuwondo (1981), Suci Senanti (1988), lan Galuh Paskamagma (1994). Sekolahe Butet: Sekolah Menengah Seni Rupa (1978-1982), Fakultas Seni Rupa lan Desain, Institut Seni Indonésia Yogyakarta (1982-1987, ora lulus).
Kiprah
Butet Kertaradjasa iku aktor kang wis asring manggung ing pentas teater ing Indonésia. Butet wis tau main ing Teater Kita-Kita (1977), Teater SSRI (1978-1981), Sanggarbambu (1978-1981), Teater Dinasti (1982-1985), Teater Gandrik (1985-saiki), Komunitas Pak Kanjeng (1993-1994), Teater Paku (1994), Komunitas seni Kua Etnika (1995-saiki). Ing Yogyakarta Butet éntuk pehargyan dadi aktor Terbaik Festival Teater SLTA sa-DIY kaping-2 ing Tahun 1979, lan aktor lan sutradara Terbaik Festival Teater SLTA sa-DIY kaping-4 (1981). Ing tahun 1999 diwenehi pahargyan Tokoh Seni déning PWI Cabang Yogya lan tahun 2000 olèh Penghargaan Seni saka Pemda DIY.
Butet iku seniman kang rasional kang diduwéni kutha Yogyakarta. Dhèwèké uga aktor kang wis tau akting ing filem-pilem ing Indonésia. Pilem sing wis tau dibintangi déning Butet kayata: Petualangan Sherina (2000); Banyu Biru (2005); Koper (2006); Anak-Anak Borobudur (2007); Capres (Calo Presiden) (2009); Seleb Kota Jogja (SKJ) (2010).
Ing monolog (salah siji jenising seni teater), Butet miwiti saka tahun 1986 kanthi judul Racun Tembakau, banjur Lidah Pingsan, Benggol Maling, Raja Rimba Jadi Pawang, Iblis Nganggur, Mayat Terhormat, lan Guru Ngambeg. Butet salah sii seniman kang asring ngetokake nyek-nyekan kang ngemu surasa pulitik. Kaya ujare Butet "Katimbang dadi Presiden beneran tapi keputusan lan kebijakane kaya guyonan, mendingan dadi Presiden Guyonan".