Boris Mehrabyan
Armenian architect
Biography
Also Viewed
The basics
Quick Facts
| Intro | Armenian architect | |
| Places | Armenia | |
| was | Architect | |
| Work field | Engineering | |
| Gender |
| |
| Birth | 1870, Manglisi, Tetri Tsqaro Municipality, Kvemo Kartli, Georgia | |
| Death | 1936Tbilisi, Georgian Soviet Socialist Republic, Soviet Union, Georgia (aged 66 years) |
The details
Biography
Բորիս Հակոբի Մեհրաբյան (Մեհրաբով), (1870, Մանգլիս - 1936, Թբիլիսի, Վրացական ԽՍՀ, ԽՍՀՄ), հայ ճարտարապետ։
Կենսագրություն
Բորիս Մեհրաբյանը ծնվել է 1870 թվականի մայիսի 29-ին հոգևորականի ընտանիքում։
Ծննդավայրի վերաբերյալ կա երկու տարբերակ․ դա եղել է կամ Ղուշչի գյուղը՝ այժմ Վրաստանի Ծալկայի շրջանում կամ Մանգլիս հանգստավայրը՝ Թիֆլիսից 60 կմ հեռու։
Նախնական կրթությունը ստացել է Թիֆլիսում։ Այնուհետև կա վարկած, որ մեկնել է Պետերբուրգ բարձրագույն կրթություն ստանալու, սակայն ոչ Պետերբուրգի Գեղարվեստի ակադեմիայի, ոչ Քաղաքացիական ճարտարագետների ինստիտուտի արխիվներում նրա անունը չկա։ Էդմոն Տիգրանյանը եզրակացնում է, որ հավանական է՝ նա ուսումը ստացել է Ռիգայի պոլիտեխնիկական ինստիտուտում։ 1890 թվականին ավարտել է Թիֆլիսի հաղորդակցման ուղիների տեխնիկական ուսումնարանը։
1905 թվականին տեղափոխվել է Երևան ու Քաղաքային վարչության շինարարական բաժնում անցել է աշխատանքի՝ որպես քաղաքային տեխնիկ, որը ըստ էության Երևանի գլխավոր ճարտարապետի նախատիպն է։ 1906-1911 թվականներին գծել է Երևանի մինչ այդ գոյություն ունեցած ամենամանրամասն քարտեզը։
Մեհրաբյանը իր գործունեության ընթացքում բազմաթիվ շենքերի հեղինակ է դարձել։ Ոճով ավելի շատ ձգտել է ռուսական կլասսիցիզմին։
Մահացել է 1936 թվականին, Թբիլիսի քաղաքում։
Նախագծեր
- 1906-1911 - Երևանի գլխավոր հատակագիծ
- 19-20 դդ. - Բաբաևների բնակելի տուն (այժմ՝ Ագաթանգեղոսի փողոց 3)
- 20 դ․ սկիզբ - Հովհաննես Գրիգորյան բնակելի տուն (Փավստոս Բուզանդի 2)
- 1908 - Ոստիկանության բաժանմունք (Խորենացու 22)
- 1909-1911 - Լիմոնադի գործարանի շենք (Նալբանդյան փող. 20ա)
- 1909-1914 - Գաբրիել Գաբրիելյանցի բնակելի տուն (Աբովյան 1/4)
- 1915 - Բժիշկ Հովհաննիսյանի տուն և հիվանդանոց (Աբովյան 3)
- 1920 - Թիֆլիսի առևտրական բանկ (Նալբանդյան փող. 2)
- Տաճարային հրապարակ (չի պահպանվել, այժմ՝ Շահումյան հրապարակ)
- Քաղաքային դումա (Խորենացու 16)
- Տեր-Իսահակյանի բնակելի տուն (Պուշկինի 23)
- Անդրեասյանի բնակելի տուն (Արամի 23)
- Ենգիբարյանի բնակելի տուն (Փավստոս Բուզանդի 4)
Վերակառուցել է
- Քաղաքային ակումբը (Ջանփոլադյանի թատրոն, այժմ՝ «Սպայի տուն»)
Պատկերասրահ
- Բաբաևների բնակելի տուն (այժմ՝ Ագաթանգեղոսի փողոց 3)
- Բժիշկ Հովհաննիսյանի տուն և հիվանդանոց (այժմ՝ ԱՕԿՍ-ի շենք)
Տես նաև
- Կենտրոն վարչական շրջանի պատմության և մշակույթի անշարժ հուշարձանների ցանկ (Երևան)
Աղբյուրներ
- ՄեդիաՄաքս, «ԱՕԿՍ-ի շենք»` կենդանի պատմություն։ 11 Հունիս 2012