Bobby Falta

Bobby Falta (* 1941 in Soltborg) is en düütschen Tater un Jazzgitarr-Speler. Vun 1945 af an leevt he in Memmingen. As Gitarrnspeler hefft Barney Kessel un Wes Montgomery Indruck maakt up em. He speel toeerst mit Joseph Reinhardt un denn in verscheden Gruppen mit Schnuckenack Reinhardt. Dör den sien Quintett, wat he 1967 mit grünnt harr, is he sunnerlich bekannt wurrn. Dor hett he ok vun 1972 af an as Solo-Gitarrspeler in mitmaakt. 1975 hett he dat Quintett verlaten un denn mit Zipflo Reinhardt, Pony Poindexter, Frank St. Peter, Wolfgang Lackerschmid, Wolfgang Lauer un Ingo Hirt Musik maakt. Tohopen mit sien Söhn Lancey (* 1965) speelt he Gitarrnduo. Dor hett he 1994 den Kulturpries vun de Stadt Memmingen for kregen. Towielen, wenn se as Trio uptreden wüllt, kummt dor noch Peter Bockius mit to. Bito unnerhollt he noch en Hannel mit Ooldiesen un Antiquitäten.

Platen

• Lancy Falta Gypsy Stream (Bayla 2007)

Weblenken

• Porträt von Bobby & Lancy Falta
• Porträt (Hessischer Rundfunk)
• Porträt un Deel vun en Diskographie bi DjangoStation (engelsch)