Arthur Ishkhanian
natuurkundige
Biography
Lists
Also Viewed
The basics
Quick Facts
The details
Biography
Արթուր Միքայելի Իշխանյան (մայիսի 18, 1960(1960-05-18), Շոշ, Ասկերանի շրջան (ԼՂԻՄ), ԼՂԻՄ, ԱԽՍՀ, ԽՍՀՄ), հայ ֆիզիկոս։ Իշխանյանի աշխատությունները վերաբերում են ատոմական, մոլեկուլային և օպտիկական ֆիզիկային, մակերևութային, ոչ գծային և մաթեմատիկական ֆիզիկայի բնագավառներին։
Կենսագրություն
Ա. Իշխանյանը ծնվել է Արցախի Շոշ գյուղում 1960 թվականի մայիսի 18-ին։ Հայրը՝ Միքայել Իշխանյանը, եղել է մաթեմատիկայի դասատու։ 1977-1983 թվականներին ուսանել է Մոսկվայի Ֆիզիկատեխնիկական Ինստիտուտի Աերոֆիզիկայի և տիեզերական տեխնիկայի ֆակուլտետում։ 2004 թվականին Ա. Իշխանյանին շնորհվել է գիտությունների դոկտորի կոչում։ 2006 թվականին ընտրվել է ՀՀ ԳԱԱ թղթակից-անդամ։ Ղարաբաղյան պատերազմի տարիներին զբաղվել է զենքի նախագծմամբ և արտադրությամբ։
Գիտական գործունեության հիմանական ուղղությունները
Ոլորտներ
- Ատոմական Օպտիկա, Ուսաումնասիրել է ատոմների ցրումը լազերային ճառագայթմամբ։
- Մակերևութային Պլազմոնային Պոլյարիտոններ։
- Ատոմ-Մոլեկուլային փոխակերպումները սառնատոմական Բոզե-Էնշտեյնյան Կոնդենսատներում։
- Մաթեմատիկական Ֆիզիկա։
Մանկավարժական գործունեություն
Իշխանյանը գիտական աշխատանքը զուգակցում է մանկավարժական գործունեության հետ։ ԵՊՀ ֆիզիկայի ֆզկուլտետի տեսական ֆիզիկայի ամբիոնի դասախոս է։ Նա հեղինակն է, դասախոսություններ է կարդացել։
Գիտակազմակերպչական գործունեություն
ՀՀ ԳԱԱ «Մաշտոց» Ճարտարագիտական կենտրոնի գիտքարտուղար (1994-2005 թվականներ), այնուհետև՝ տնօրենի պաշտոնակատար (2005-2007 թվականներ)։ ՀՀ ԳԱԱ Ֆիզիկական հետազոտությունների ինստիտուտի Ֆիզիկաճարտարագիտական լաբորատորիայի վարիչ (2007 թվականից մինչ այժմ)։
Հասարակական գործունեություն
Աշտարակի 7-րդ դպրոցի հիմնադիրներից է։
2007-2009 թվականներին ակտիվ հասարակական քննարկումներով մշակել է հայեցակարգ արտերկրի բարձր վարկանիշով համալսարաններում ուսանող հայ երիտասարդներին պետական աջակցության ցուցաբերման համար, որի արդյունքում 2009-ին ստեղծվեց «Լույս» հիմնադրամը։
Մրցանակներ
2016 թվականին Տիգրան Շահվերդյանի և Տիգրան Իշխանյանի հետ միասին արժանացել է ՀՀ նախագահի 2015 թվականի մրցանակի՝ «Քվանտային երկմակարդակ խնդրի անալիտիկ մոդելներ» գիտական հոդվածների շարքի համար:
Ծանոթագրություններ
Արտաքին հղումներ
| Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Արթուր Իշխանյան կատեգորիայում։ |