Armenak Nazarov

Արմենակ (Արմեն) Գևորգի Նազարով (ապրիլի 1, 1908(1908-04-01), Փարիզ - հունիսի 11, 1983(1983-06-11), Երևան, Հայկական ԽՍՀ, ԽՍՀՄ), հայ երկրաշարժագետ: Պրոֆեսոր (1937): ՀԽՍՀ ԳԱ ակադեմիկոս (1960, թղթակից անդամ՝ 1945 թվականից): ՀԽՍՀ գիտության վաստակավոր գործիչ (1958):

Կենսագրություն

Արմենակ Նազարովը ծնվել է 1908 թվականի ապրիլի 1 (14)-ին, Փարիզում: 1925 թվականին ավարտել է Թիֆլիսի 46-րդ աշխատանքային դպրոցը, 1932 թվականին՝ Թիֆլիսի ինդուստրիալ ինստիտուտը: 1929-1940 թվականներին աշխատել է Թբիլիսիի կառուցվածքների և հիդրոէներգետիկայի գիտահետազոտական ինստիտուտում: 1937 թվականին Նազարովին շնորհվել է տեխնիկական գիտությունների թեկնածուի գիտական աստիճան` առանց ատենախոսության պաշտպանության, նույն թվականին ստացել է պրոֆեսորի կոչում: 1940-1946 թվականներին եղել է Վրացական ԽՍՀ Գիտությունների ակադեմիայի սեյսմակայուն շինարարության բյուրոյի գիտքարտուղար: 1945 թվականին պաշտպանել է դոկտորական ատենախոսություն` «Սեյսմակայունության տեսության կառուցման փորձը» թեմայով: Նույն թվականին ընտրվել է ՀԽՍՀ ԳԱ թղթակից անդամ: 1949-1961 թվականներին եղել է Շինանյութերի և կառուցվածքների հայկական գիտահետազոտական ինստիտուտի տնօրեն, միաժամանակ դասավանդել է է Երևանի պոլիտեխնիկական ինստիտուտում: 1961-1981 թվականներին (ընդմիջումներով) եղել է ՀԽՍՀ ԳԱ Երկրաֆիզիկայի և ճարտարագիտության սեյսմոլոգիայի ինստիտուտի (Լենինական) տնօրեն, 1982-1983 թվականներին՝ ՀԽՍՀ ԳԱ Երկրի մասին գիտությունների բաժանմունքի ակադեմիական քարտուղար:

1950-1953, 1955-1957 թվականներին ընտրվել է Երքաղխորհրդի պատգամավոր: Եղել է ԽՍՀՄ ԳԱ նախագահությանն առընթեր երկրաշարժագիտության, երկրաշարժակայուն շինարարության միջգերատեսչական խորհրդի բյուրոյի անդամ, Կովկասի բաժնի նախագահ (1979-1983):

Աշխատանքները վերաբերում են շինարարական մեխանիկայի, երկրաշարժակայուն կառույցների, ճարտարագիտական երկրաշարժագիտության, կիրառական մեխանիկայի, երկրաֆիզիկայի հարցերին:

Մահ

Մահացել է 1983 թվականի հունիսի 11-ին, Երևանում։

Հիշատակ

Գյումրիի երկրաֆիզիկայի և ինժեներային սեյսմաբանության ինստիտուտը կոչվել է Արմենակ Նազարովի անունով:

Պարգևներ

• «Հայրենական մեծ պատերազմում աշխատանքային արիության համար» մեդալ (1946)
• Աշխատանքային կարմիր դրոշի շքանշան (1951, 1968)
• ՀԽՍՀ գիտության վաստակավոր գործիչ (1958)
• Լենինի շքանշան (1971)
• ՀԽՍՀ Պետական մրցանակ (1974)

Աշխատություններ

• Երկրաշարժերը և պաշտպանությունը նրանցից, Երևան, 1981:
• Տրանսֆինտիվ վերլուծության տարրերը, Երևան, 1988:
• Յերեխաներն ինչպես ավտոմոբիլ վարել սովորեցին, Յերևան, 1930:
• О механическом подобии твердых деформируемых тел: (К теории моделирования), Ереван, 1965.
• Эксперименты на моделях обычных и сейсмостойких зданий, Ереван, 1984.
• Метод инженерного анализа сейсмических сил, 2 изд., испр. и доп., Ереван, 1959.
• Երկրաշարժերը և պաշտպանությունը նրանցից, Երևան,1981:

Գրականություն

• Հովակիմյան, Ս. Գ., Նազարով Արմենակ Գևորգի: Երևանի Կ. Մարքսի անվան պոլիտեխնիկական ինստիտուտը. - Եր.: Հայաստան, 1977. - էջ 451-453:
• Ստեփանյան, Վ., Եռանդով լեցուն գիտնականը: Երեկոյան Երևան. - 1968. - 4 ապրիլի:
• Պուտնին, Ս., Արմեն Նազարովի բարձունքները: (Ականավոր սեյսմոլոգի ծննդյան 80-ամյակի առթիվ): Հայաստանի արդյունաբերություն, շինարարություն և ճարտարապետություն. - 1988. - № 10. - էջ 16-20:
• Арменак Георгиевич Назаров: (К шестидесятилетию): Изв. АН АрмССР. Науки о Земле. - 1968. - Т. 21, № 3. - С. 104-105.
• Арменак Георгиевич Назаров: (К 60-летию со дня рождения): Изв. АН АрмССР. Сер. техн. наук. - 1968. - Т. 21, № 2. - С. 3-4.
• Биховский, В. А., Печатные работы А. Г. Назарова: Библиографический справочник по инженерной сейсмологии и сейсмостойкости сооружений / АН АрмССР. Ин-т геофизики и инж. сейсмологии. - Ер., 1964. -С. 54-58.
• Мартиросян, Р. П., Всесоюзное совещание "Вопросы инженерной сейсмологии" посвященное 80-летию академика АН АрмССР А. Г. Назарова / С. 24 по 27мая 1988 года в г. Ленинакане: Изв. АН АрмССР. Науки о Земле. - 1988. - Т. 41, № 6. - С. 63-65.
• Назаров Армен Георгиевич: НАН РА . Персональный состав. - Ер.: Наука, 2003. - С. 91.
• Памяти Армена Георгиевича Назарова: (К 80-летию со дня рождения и 5-летию со дня смерти): АН АрмССР. Ин-т геофизики и инж. сейсмологии. Лаб. геомеханики. - 1988. - № 10. - С. 1-2.
• Памяти академика Армена Георгиевича Назарова (к 100-летию со дня рождения): Известия НАН РА. Науки о земле. - 2008. - Т. 61, № 3. - С. 58-59 :
• Путнынь, С., Вершины Армена Назарова: (К 80-летию со дня рождения выдающегося сейсмолога): Промышленность, строительство и архитектура Армении. - 1988. - № 10. - С. 16-19.
• Талант и труд: (К шестидесятилетию со дня рождения А. Г. Назарова): Промышленность Армении. - 1968. - № 5. - С. 33.

Ծանոթագրություններ