Antonio Couceiro

Traxectoria

Enxeñeiro de Camiños, Canais e Portos (1978), diplomouse en Dirección Xeral de Empresas (1983) e en Planificación e Administración de Empresas (1985) pola Universidade Politécnica de Madrid. Foi director técnico de Construcións Metálicas José González Gómez (1979-1981) e director xerente de Xestión Urbanística da Coruña SA (1981-1990). Foi director xeral do Instituto Galego da Vivenda e Solo (1990-1993), director xeral de Formación e Emprego (1993-1994) e conselleiro de Industria e Comercio (1994-1999) co Partido Popular. Foi deputado no Parlamento de Galicia (1997-1999). Foi presidente da Autoridade Portuaria da Coruña dende outubro de 1999 ata o 2002.