Ana Ulla
Spanish astrophysicist and professor
Biography
Gallery (1)
Lists
Also Viewed
The basics
Quick Facts
| Intro | Spanish astrophysicist and professor | ||
| Places | Spain | ||
| is | Physicist Astronomer Scientist Astrophysicist Professor | ||
| Work field | Science | ||
| Gender |
| ||
| Birth | 1965, Vigo, Pontevedra Province, Galicia, Spain | ||
| Age | 60 years | ||
| Employers |
|
The details
Biography
Ana María Ulla Miguel, nada en Vigo en 1965, é unha astrofísica galega, escritora e profesora na Universidade de Vigo.
Traxectoria
Ana Ulla comezou a carreira de Física na Universidade de Santiago de Compostela, onde cursou os tres primeiros cursos,e logo especializouse en Astrofísica na Universidade de La Laguna, onde tamén realizou a súa formación doutoral. Entre 1988 e 1995, ocupou diversos postos de investigación e docencia na Universidade de Tromsø (Noruega), o Laboratorio de Astrofísica Espacial e Física Fundamental ( Madrid), a Axencia Espacial Europea (ESA), ou o Instituto Niels Bohr de Copenhague. Posteriormente, foi contratada posdoutoral no Instituto de Astrofísica das Canarias (IAC), traballando para o proxecto "Infared Space Observatory" da ESA.
Desde 1997 é profesora do Departamento de Física Aplicada da Universidade de Vigo, sendo a investigadora principal do Grupo AS1 de Astronomía e Astrofísica da UVIGO dende a súa creación no ano 2005 ata outubro de 2017. Forma parte do equipo galego da misión Gaia, da Axencia Espacial Europea (ESA), na que participan máis de 450 científicos e enxeñeiros doutros 23 países co obxectivo de elaborar un mapa preciso en 3D da Vía Láctea. Ademais, é integrante do padroado da Fundación Ceo, Ciencia e Cultura que xestiona o Observatorio Astronómico de Forcarei.
En decembro de 2015 publicou a súa primeira novela infantil titulada “Desde el jardín, las estrellas”.
Recoñecementos
En febreiro de 2014 recibiu, ex aequo con Minia Manteiga, o premio “Galega destacada 2013” concedido pola Asociación Diálogos 90. Tamén foi galardoada co recoñecemento "Muller Científica 2020" que outorga o IES Val Miñor.
Notas
- ↑ "Ana Ulla Miguel - Introducción a la Astronomía Visual y Fotográfica". sites.google.com. Arquivado dende o orixinal o 04 de setembro de 2020. Consultado o 2020-08-27.
- ↑ administrador. "Ana Ulla Miguel". Executivas. Consultado o 2020-08-27.
- ↑ Redacción (2016-09-14). "A misión Gaia obtén a primeira imaxe completa da Vía Láctea". GCiencia. Consultado o 2020-08-03.
- ↑ "Ana Ulla Miguel". www.escritores.org. Consultado o 2020-08-27.
- ↑ "Las astrofísicas del satélite Gaia se convierten en "Galegas Destacadas"". www.farodevigo.es. Consultado o 2020-08-27.
- ↑ "«Se non vemos as estrelas, non sabemos a onde pertencemos»". La Voz de Galicia (en castelán). 2020-03-14. Consultado o 2020-08-27.
Véxase tamén
Ligazóns externas
- Mulleres ninguneadas na Ciencia no programa Vivir Aquí da TVG
- Que facemos? A astrofísica e o Observatorio Astronómico de Forcarei