Alfred Abramowitz

Alfred Isedore Abramowitz (Reitz, Oranje-Vrystaat, 25 Augustus 1926 – onbekend) was ’n Suid-Afrikaanse sakeman en ingenieur.

Abramowitz was die seun van A. Abramowitz. Hy het sy opvoeding aan die St. Andrew-skool in Bloemfontein ontvang en daarna ’n B.Sc. (Ing.) aan die Universiteit van die Witwatersrand verwerf. Hy het in 1947 afgestudeer, en toe as assistent-ingenieur by Elgin Structures aangesluit. In Februraie 1954 het hy as vennoot van Z. Kampel aangesluit by Steelcon Structural Engineering, waarvan die naam in 1956 Kampel & Abramowitz geword het.

Hy was verteenwoordiger van Wyk 7 in die Johannesburgse Noordoostelike Gebiedskomitee van die Buitestedelike Raad. Hy was ook ’n assosiaatlid van die SA Prestressed Concrete Development Board.

Uit sy huwelik op 17 April 1955 met Helen, dogter van L. Rabinowitz, is twee dogters gebore. In die sestigerjare het die gesin by Studyweg 5, Glenhazel, gewoon. Sy stokperdjies was fotografie en gholf.

Bron

• (af) (en) Kruger, dr. D.F. 1963. Wie is wie in Suid-Afrika. Johannesburg: Vitae Uitgewers.