Alfia Akbutina

Әлфия Акбутина (Әлфия Носрат кызы Акбутина, баш.  Әлфиә Носрат ҡыҙы Аҡбутина) — журналист, «Башҡортостан» газетасының (1990-2011), «Башҡортостан ҡыҙы» журналының (2011-2014) баш мөхәррир урынбасары. ССРБ (1988), РФ һәм БР журналистлар берлеге әгъзасы. Башкортстанның атказанган мәдәният хезмәткәре (1997). Шәһит Ходайбирдин премиясе лауреаты (2005). Башкорт Википедиясенең актив катнашучысы (2015).

Тәрҗемәи хәле

1955 елның 9 мартында (документ буенча 9 октябренда) БАССР Макар районы (хәзерге БР Ишембай районы) Югары Эткол авылында укытучылар гаиләсендә туган. 1960 елда әнисенең туган ягы - Нуриман районына күченәләр. Нуриман районы Иске Күл мәктәбен (1972), Башкорт дәүләт университеты филология факультетының урыс-башкорт бүлеген (1977) тәмамлаган.

Хезмәт юлы

• 1977 «Ленинсы»-«Ленинец» (хәзерге «Йәшлек») газетасында (Уфа) корректор булып эшли.
• 1980-1981 Нуриман һәм Зиянчура районнарында мәктәптә укыта.
• 1978 елдан «Башҡортостан» газетасы мөхәрририятендә эшли: өлкән хәбәрче (1990), бүлек мөдире (1993), җаваплы сәркатип (1995), баш мөхәррир урынбасары (1999).
• 2011-2014 «Башҡортостан ҡыҙы» журналының баш мөхәррир урынбасары.

Хезмәтләре

• Тәрҗемәче буларак билгеле (мәсәлән, «Чипполино» әкиятен башкортчага тәрҗемә иткән).
• «Библия»не башкорт теленә тәрҗемә итүчеләр төркемендә эшли.
• БР президенты каршындагы топонимия комиссиясе эшендә катнаша.
• Башкорт энциклопедиясе тәрҗемәчесе.

Бүләкләре, мактаулы исемнәре

• Башкортстанның атказанган мәдәният хезмәткәре (1997).
• Шәһит Ходайбирдин премиясе (2005) — «ЮНЕСКО линиясе буенча Аурупа илләренә сәяхәтнамәләре өчен».

Чыганаклар

1. Равил Рамазанов. Әлфия Акбутинаның иҗат почергы. «Республика Башкортостан», 207- сан, 2010 ел, 28 октябрь.(рус.)

Сылтамалар

• Ә.Н. Акбутина «Башкорт белешмәлеге» сайтында
• Җан җылысы белән җылытып(рус.)

Моны да карагыз

• Ә. Акбутина. Җиләнемә – 3D-тәңкә, чәчемә – 3D-чулпы... (башк.)

Искәрмәләр