Alaksandr Jakabson

Аляксандр Серафімавіч Якабсон (1951, Гомель) — дзяржаўны дзеяч Беларусі.

Біяграфія

Скончыў Беларускі інстытут інжынераў чыгуначнага транспарту, Мінскі інстытут паліталогіі і сацыяльнага кіравання. Працаваў майстрам трэста «Кандалакштрансбуд» у Мурманскай вобласці, потым служыў у арміі. З 1975 года працаваў у ААТ «Гомельпрамбуд» — майстрам, прарабам, старшым прарабам, галоўным інжынерам. У 1985 годзе — інструктар аддзела будаўніцтва Гомельскага абкама КПБ. У 1986—1996 гадах — старшыня Светлагорскага гарвыканкама Гомельскай вобласці.

У 1997—2001 гадах — першы намеснік старшыні Гомельскага аблвыканкама, старшыня Гомельскага гарвыканкама. Дэпутат Вярхоўнага Савета Беларусі (1990—1995, 1995—1996). Дэпутат Палаты прадстаўнікоў Нацыянальнага сходу Рэспублікі Беларусь (1996—2000). Член Савета Рэспублікі Нацыянальнага сходу Рэспублікі Беларусь трэцяга і чацвёртага скліканняў.

Старшынёй Гомельскага аблвыканкама быў з красавіка 2001 года. З 28.12.2010 старшыня Камітэта дзяржаўнага кантролю Беларусі. 21.8.2014 назначаны памочнікам Прэзідэнта — галоўным інспектарам па Мінску.