Aksana Shelest

Акса́на Аляксе́еўна Шэ́лест (нар. 21 сакавіка 1979 года, Мінск) — беларускі сацыёлаг і метадолаг  (руск.) (бел.. Кандыдат сацыялагічных навук (PhD) (2007). Эксперт Агенцтва гуманітарных тэхналогій (2009), старшы аналітык Цэнтра еўрапейскай трансфармацыі (2010). Першы лаўрэат Прэміі Міжнароднага Кангрэса даследчыкаў Беларусі ў намінацыі «Сацыяльна-палітычныя навукі» (2013).

Біяграфія

У 2002 годзе скончыла аддзяленне сацыялогіі факультэта філасофіі і сацыяльных навук Беларускага дзяржаўнага ўніверсітэта.

З лістапада 2002 года па травень 2009 года навучалася і працавала ў Інстытуце сацыялогіі Нацыянальнай акадэміі навук Беларусі: у 2002—2005 гадах — аспірант; у 2005—2007 гадах — загадчык сектара методыкі і практыкі аператыўных даследаванняў; з траўня 2007 года па травень 2008 года выконвала абавязкі вучонага сакратара; з траўня 2007 года па травень 2009 года — загадчык аддзела тэхналогій сацыялагічных даследаванняў.

У 2006 годзе паспяхова абараніла ў Інстытуце сацыялогіі НАН Беларусі дысертацыю на суісканне вучонай ступені кандыдата сацыялагічных навук (PhD) на тэму «Станаўленне новых тыпаў рэлігійнасці ва ўмовах сацыякультурных трансфармацый» (навуковы кіраўнік — У. Л. Абушэнка). Абарона дысертацыі была ўхвалена ВАК Беларусі ў студзені 2007 года.

З чэрвеня 2009 года — эксперт аналітычнай групы Агенцтва гуманітарных тэхналогій (АГТ; Мінск). З’яўляецца сталым удзельнікам Мінскага метадалагічнага семінара, арганізацыйна-дзейнасных гульняў  (руск.) (бел. ды інш. мерапрыемстваў і накірункаў дзейнасці АГТ.

З сакавіка 2010 года — старшы аналітык Цэнтра еўрапейскай трансфармацыі. З’яўляецца аўтарам, кіраўніком і выканаўцам шэрагу даследаванняў грамадзянскай супольнасці Беларусі ды інш.

Сферы даследчых інтарэсаў: СМД-метадалогія  (руск.) (бел.; грамадская думка, сацыяльная тэорыя, сацыяльная камунікацыя і камунікатыўныя тэхналогіі, метадалогія і методыка сацыялагічных даследаванняў; сацыяльны канструктывізм, трансфармацыя рэлігійнасці.

А. А. Шэлест разам з І. В. Лашук з’яўляюцца першымі ў гісторыі Прэміі Міжнароднага Кангрэса даследчыкаў Беларусі лаўрэатамі ў намінацыі «Сацыяльна-палітычныя навукі». Прэмія была ўручана ў 2013 годзе падчас III Кангрэса за артыкул «Сімвалічнае і камунікатыўнае вымярэнне моўных практыкаў беларускіх палякаў» (быў апублікаваны ў часопісе «Палітычная сфера», 2011, № 16—17).

Уваходзіць у склад Калегіума Лятучага ўніверсітэта, у розныя гады чытала аўтарскія курсы: «Праграмаванне сацыягуманітарных даследаванняў» (2011—2012), «Метады збору эмпірычных дадзеных у сацыягуманітарных даследаваннях: ад падстаў да тэхнік і працэдур» (2012—2013), «Фарміраванне і вывучэнне грамадскай думкі» (2013—2014).

У межах грамадскай дзейнасці ёсць удзельнікам Міжнароднага кансорцыума «ЕўраБеларусь». У 2013—2015 гады, як прадстаўнік Агенцтва гуманітарных тэхналогій—Цэнтра сацыяльных інавацый, двойчы абіралася ў склад Каардынацыйнага камітэта Беларускай нацыянальнай платформы Форума грамадзянскай супольнасці  (англ.) (бел. Усходняга партнёрства.

Бібліяграфія

• Потенциал солидарности в беларусском обществе: отчёт по результатам исследования / Водолажская Т., Шелест О., Егоров А., Артеменко Е. // Центр европейской трансформации. — Электронное издание. — 18.12.2015.
• Исследование потенциала солидарности в беларусском организованном гражданском обществе: отчёт по результатам исследования / Водолажская Т., Шелест О., Егоров А., Артеменко Е. // Центр европейской трансформации. — Электронное издание. — 17.11.2014.
• Качество жизни в домах-интернатах: между желаемым и реальным: отчёт по результатам исследования / Егоров А., Шелест О., Ермакова В., Анушкевич Т. // Центр европейской трансформации. — Электронное издание. — 02.06.2014.
• Социальная интеграция людей с инвалидностью в Беларуси: на пути к преодолению барьеров. Сборник результатов исследований / О. Шелест, В. Ермакова, О. Ображей; Центр европейской трансформации. — 2014. — 168 с.
• Потенциал взаимодействия экологических организаций в решении общих задач: отчёт по результатам исследования / Егоров А., Шелест О., Шило К. // Центр европейской трансформации. — Электронное издание. — 16.11.2013.
• Aksana Shelest, Does public opinion exist in Belarus? Index of Censorship. — Electronic publishing. — 29 November 2013.
• Представления беларусов о правах человека и правозащитной деятельности: отчёт по результатам исследования / Шелест О., Егоров А. // Центр европейской трансформации. — Электронное издание. — 10.09.2012.
• Проблемы и перспективы развития жилищного самоуправления в Беларуси: отчёт об исследовании / Шелест О., Фаблинова О. // Центр европейской трансформации. — Электронное издание. — 25.03.2012.
• Сімвалічнае і камунікатыўнае вымярэнне моўных практыкаў беларускіх палякаў / Лашук І., Шелест О. // Палітычная сфера. — 2011. — № 16—17. — С. 24—49.
• Пространство коммуникации: формы, каналы, барьеры / Шелест О. // Игра в города: по материалам экспедиций в малые города Беларуси / Сост. и науч. ред. Т. Водолажская. — Мн.: И. П. Логвинов, 2009. — 220 с. — (Серия «Культурная политика»).
• Интернет-коммуникация в малых городах: мифический потенциал / Шелест О. // «Наше мнение». Экспертное сообщество Беларуси. — Электронное издание. — 05.06.2009.
• Функциональное место экрана в системе научной коммуникации / Шелест О. // О десоветизации. Беларусь, начало XXI века: Материалы семинара-конференции, 20—24 августа 2007 г., г. Шилуте, Литва. — Мн., 2008.
• Гражданские инициативы в Беларуси: сравнительный анализ / Егоров А., Водолажская Т., Шелест О. // Методология. By. — Электронное издание. — 23.10.2007.
• Белорусско-европейское сотрудничество — вести с полей / Шелест О. // EuroBelarus.Info. Беларуска-еўрапейскага супрацоўніцтва і партнёрства. — Электроннае выданне. — 06.09.2007.
• Белорусско-европейское сотрудничество: видение и оценка европейских партнёров / Шелест О., Пошевалова Т. // EuroBelarus.Info. Беларуска-еўрапейскага супрацоўніцтва і партнёрства. — Электроннае выданне. — 16.11.2007.
• Национальность, этничность, гражданство: в поисках общих оснований (рецензия на книгу: Науменко Л. И., Водолажская Т. В. Этническая и гражданская принадлежность в восприятии населения современной Беларуси. — Мн., 2006) / Шелест О. // Палітычная сфера. — 2007. — № 9(16).
• Становление новых типов религиозности в условиях социокультурных трансформаций: автореферат диссертации на соискание учёной степени кандидата социологических наук: 22.00.06 / О. А. Шелест; Институт социологии НАНБ. — Мн., 2006.

Зноскі