Akila Bungwon

Akila Dutse Bunggwon "Bungwon" (á̱ ku byin nggu 8 Zwat Tswuon 1954), yet a̱tyuba̱ngtyok wa ma̱ A̱tyap. Nggu wa ba̱ng tyok Jok A̱tyap hu. Nggu wa si̱ bu yet Byiek a̱kwak-a̱son Sot Byi̱k A̱lyem Tyap (SBA̱T) ji, a̱wot a̱kwok a̱son wu wa si̱ yet A̱tyoli Francis Mutuah. Á̱ byin nggu ma̱ a̱keang Gan mi̱ Ka̱nai, mami sot a̱gwa̱mnati mali Zangon Katab, Si̱tet Ka̱duna, Naijeriya. A̱ nyia̱ fang yunuvasi̱ti nggu hu ma̱ a̱gba̱nda̱ng a̱vwuo tyiet Ahmadu Bello, Zariya.

A̱ ku nyia̱ nta̱m a̱gwomna̱ti nggu na ma̱ng a̱gwomna̱ti Si̱tet Ka̱duna bya. A̱ kan gyet a̱kwak-a̱son susot a̱gwomna̱ti ma̱ a̱di̱di̱t, na̱ mbyia̱: Ministri Za̱náng A̱sa̱khwot Si̱tet Ka̱duna (Shong: Kaduna State Ministry for Water Resources). A̱ ka̱n gyet a̱kwak-a̱son á̱khwo nta̱m a̱gwomnati di̱n jen gwomna A̱tyoli Patrick Ibrahim Yakowa.

Ya̱fang

A̱ka̱fwuop nta