Biography
Gallery (5)
Lists
Also Viewed
The basics
Quick Facts
| Places | Russia Georgia | |
| Gender |
| |
| Birth | 25 October 1855, Racha, Racha-Lechkhumi and Kvemo Svaneti, Georgia | |
| Death | 18 October 1926Kutaisi, Imereti, Georgia (aged 71 years) | |
| Star sign | Scorpio | |
| Family |
The details
Biography
აგრაფინა ჯაფარიძე, გრაფინია ფონ ზარნეკაუ (ინგლ. Agrippina, Countess von Zarnekau; დ. 6 ნოემბერი , 1855 — გ. 18 ოქტომბერი, 1926) — XIX-XX საუკუნეების ქართველი არისტოკრატი და მეცენატი. კონსტანტინე ოლდენბურგის მორგანატული მეუღლე.
მეუღლესთან ერთად მნიშვნელოვანი წვლილი ითამაშა დიდ თავად გიორგი ალექსანდრეს ძის მორგანატულ ქორწინებაში. აგრაფინამ თავისი ბიძაშვილი ნაკაშიძე ცოლად შერთო დიდ თავადს, რამაც გამოიწვია სკანდალი რუსეთის საიმპერატორო კარზე.
ბიოგრაფია
აგრაფინა დაიბადა რაჭაში, ქართველი აზნაურის კონსტანტინე და მელანო ჯაფარიძეების ოჯახში. 5 წლის ასაკში მამა გარდაეცვალა. დედამისი მელანო გადასახლდა ქუთაისში და მეორედ გათხოვდა. აგრაფინამ განათლება მიიღო წმინდა ნინოს სახელობის სკოლაში (ამჟამად მესამე სკოლა), სადაც მისი თანაკლასელი იყო ნიკო ნიკოლაძის და ოლიმპია.
1876 წელს ცოლად გაჰყვა ქართველ თავადს ტარიელ დადიანს, რომლის ცოლი სოფიაც მშობიარობას გადაჰყვა. არ არის ცნობილი ჰყავდა თუ არა აგრაფინას საკუთარი შვილები ტარიელ დადიანთან, თუმცა ცნობილია, რომ მათი ქორწინება წარუმატებელი გამოდგა.
მეორედ გათხოვდა კონსტანტინე ოლდენბურგზე, რომელსაც გაუჩინა 6 შვილი. 1882 წელს მიიღო გრაფინია ზარნეკაუს ტიტული. გარდაიცვალა 1926 წელს ქუთაისში.