Ağazadə Müzəffər

 Muzeffer Agazade
Ağazadə Müzəffər Abusət oğlu – Azərbaycan Respublikasının  Əməkdar hüquqşünası, Ali Məhkəmənin elmi-məsləhət  şurasının üzvüdür.

Həyatı və əmək fəaliyyəti

Ağazadə Müzəffər Abusət oğlu 1939-cu ildə Masallı rayonunun Müsaküçə kəndində anadan olmuşdur.

1958-ci ildə orta məktəbi bitirdikdən sonra Masallı rayon məhkəməsində katib işləməyə başlayan M.Ağazadənin əmək fəaliyyətinin sonrakı dövrü yalnız məhkəmə orqanları ilə bağlı olmuşdur. 1961-ci ildə, indiki Bakı Dövlət Universitetinin hüquq fakultəsinin qiyabi şöbəsinə daxil olmuş, həmin təhsil müəssisəsini 1967-ci ildə bitirmişdir.

1964-1968 - Bakı şəhəri, Oktyabr rayon xalq məhkəməsində iclas katibi, 1968-1969 - Azərbaycan SSR Nazirlər Soveti Hüquq Komissiyasının Məhkəmə Ekspertizası İnstitutunda baş elmi işçi olaraq çalışmışdır .Bundan sonra, Bakı şəhəri, Yasamal rayon məhkəməsində iclas katibi vəzifəsində işləmiş M.Ağazadə Universiteti bitirdikdən sonra, Azərbaycan SSRİ Nazirlər Soveti Hüquq Komissiyasının   Elmi –Tədqiqat Məhkəmə Ekspertizası, Kriminalistika və Kriminologiya Problemləri İnstitutu və Azərbaycan Respublikası Ali Məhkəməsinin nəzarət şöbəsində baş məsləhətçi vəzifələrində  işləmişdir. M. Ağazadə  1970-1976 –cı illərdə Daşkəsən rayon məhkəməsində hakim,1976-1987- ci illərdə Bərdə rayon məhkəməsinin sədri,1987-1990-cı illərdə isə  Ağdam rayon məhkəməsinin sədri vəzifələrində çalışmışdır.1990-cı ildən Azərbaycan Respublikası Ali Məhkəməsinə hakim seçilən  M.Ağazadə 2000-ci ildə yenidən həmin vəzifəyə təyin edilmişdir.2010-cu ildə təqaüdə  çixmişdir.2010 cu ildə Sumqayıt Apelyasiya Məhkəməsinin aparat rəhbəri  vəzifəsinə təyin olunmuş, 2015-ci ilin yanvar ayına qədər həmin vəzifədə çalışmışdır.

O , 55 illik əmək fəaliyyətində ömrünün 40 ilini məhkəmə hakimliyi kimi şərəfli və məsuliyyətli işə həsr etmişdir.

Ali Məhkəmənin elmi- məsləhət şurasının üzvüdür.

Dövlət qulluğunun baş müşaviridir.

Bir oğlu , üç qızı və səkkiz nəvəsi var.

Mükafat və Təltifləri

1987 -ci ildə SSRİ Ədliyyə Nazirliyi tərəfindən “ Təşəkkürnamə “ verilmişdir.

SSRİ və Azərbaycan SSR Ədliyyə Nazirliklərinin, Respublika “Bilik” Cəmiyyətinin fəxri fərmanlarına layiq görülmüşdür

2003 -cü ildə M.Ağazadə Azərbaycan Ali Hərbi Dənizçilik Məktəbinin professor-müəllim və zabit heyəti qarşısında “Məhkəmə sistemində aparılan islahatlar və yeniliklər “mövzusunda maraqlı və məzmunlu məruzı ilə çıxış etdiyinə görə Fəxri Fərman təltif edilmişdir

2008 - ci ildə Respublika Prezidentinin fərmanı ilə “ Tərəqqi” medalı ilə təltif edilmişdir.

20.11.2006 – ci ildə Prezident İlham Əliyevin Fərmanı ilə Azərbaycan Respublikasının Əməkdar hüquqşünası fəxri adı verilmişdir. http://www.justice.gov.az/media218.html

Yazı və Nəşrləri

Hakim vəzifəsində işləməklə yanaşı dövri mətbuatda hüquqi mövzularda yazıları, bir çox qanun layihələrinin, Konstitusiya Məhkəməsinə verilən sorğuların müəllifidir. M.Ağazadə Respublika Ali Məhkəməsi Plenumunun müzakirəsinə təqdim olunmuş 10 - dan çox qərar layihəsinin, Ali Məhkəmə tərəfindən qanunvericilik təşəbbüsü qaydasında ölkə Parlamentinə təqdim edilən bir sıra qanun layihələrinin müəllifidir. O, Azərbaycan Respublikası Cinayət Prosessual Məcəlləsinin şərhinin hazırlanmasının iştirakçılarından biridir. Ali Məhkəmədə çalışdığı dövrdə onun təşəbbüsü ilə Ali Məhkəmənin orqanı olan “ Azərbaycan Respublikası Ali Məhkəməsinin Bülleteni“ adlı məcmuə dərc olunmağa başlamış, 6 il ərzində M.Ağazadə məcmuənin baş redaktorunun müavini olmuşdur. Cinayət və cinayət prosessual qanunvericiliklə bağlı M.Ağazadənin bir sıra maraqlı fikirləri və təklifləri 2009-cu ildə “Hüquq Ədəbiyyatı” nəşriyyatı tərəfindən nəşr olunmuş, “Cinayət və cinayət prosessual qanunlar haqqında hakimin düşüncələri” adlı kitabında öz əksini tapmışdır. M.Ağazadə hüquq elmləri namizədi elmi dərəcəsi almaq üçün yazılan onlarca dissertasiyaya rəy vermişdir. M Ağazadənin tövsiyə və təkliflər nəzərə alınmaqla ATƏT-In Baki ofisi-qanunun aliliyi və insan hüquqlari departamentinin təşəbbüsü ilə “Hakimlər üçün təlimat kitabçasi: birinci instansiya məhkəmələrində cinayət işləri üzrə məhkəmə iclaslari ” adlı vəsaiti hazırlanmışdır. http://www.osce.org/az/baku/104349?download=true - azərbaycan dilində http://www.osce.org/baku/104348?download=true- ingilis dilində

Kitabları

Cinayət və cinayət - prosessual qanunlar haqqında kitabları dərc edilmişdir:

“Hakimin düşüncələri – I” 2009-cü il

“Hakimin düşüncələri –II “ 2014-cü il

"Hakimin düşüncələri-III" 2017-ci il

Məqalələri

”Məhkəmə çıxışlarının sual doğuran cəhətləri”, Azərbaycan vəkili  jurnalı, 2016 –cı il.

http://lawreform.az/index.php?module=news&name=view&id=900&lang=az “ Ehtiyatsızlıqdan sağlamlığa az ağır zərər vurma cinayət məsuliyyətinə səbəb olmalıdırmı ? “, Azərbaycan vəkili jurnalı, 21.08 .2013-cü il. Hüquqi mövzularda “Hüquqi Dövlət və Qanun”, “Qanunçuluq”, ”Qanun“, ”Azərbaycan Respublikası Ali Məhkəməsinin Bülleteni”, ”Azərbaycan vəkili”, “Azərbaycan Prokurorluğu“ jurnallarında, habelə ədəbi-ictimai, elmi-publisist jurnal olan “Naxış “ jurnalında məqalələri dərc olunmuşdur.

Simpozium və seminarlar

ABŞ, Çexiya, Almaniya, Gürcüstan, Çin və digər ölkələrdə keçirilən simpozium və seminarlarda Azərbaycan Respublikası Ali Məhkəməsini ləyaqətlə təmsil etmişdir. Gənc hüquqşünaslar üçün uzun illər Ədliyyə Nazirliyinin tədris kursunda — hazırkı Ədliyyə Akademiyasında, Respublika Prokurorluğunun Tədris Mərkəzində hakimlər və dövlət ittihamçıları ilə keçirilən seminar məşğələləri aparıb.

Haqqinda yazılar

Hakim, yazıçı Ə. Seyidovun “Müdriklik zirvəsində” adlı məqaləsi, “Xalq “ qəzeti, 2009-cu il. http://www.anl.az/down/meqale/xalqqazeti/xalqqazeti_dekabr2009/101398.htm Azərbaycan Respublikası Ali Məhkəməsi http://supremecourt.gov.az/static/view/243 2004-cü ildə “Hüquqi Dövlət və Qanun”adlı jurnalda M.Ağazadə haqqında 65 illiyinə həsr edilmiş məqalə dərc edilmişdir

İntervyular

12 years pass from abolition of capital punishment in Azerbaijan http://www.azpenalreform.az/en/library/articles/586-12-years-pass-from-the-abolition-of.html Cinayət məsuliyyətindən hansı hallarda azad olmaq mümkündür? http://az.trend.az/azerbaijan/society/2128046.html

Azərbaycan məhkəmələrində girov qətimkan tədbirinin tətbiqinə niyə geniş yer verilmir? http://www.baki-xeber.com/v5/00042276.html

Həbsdən başqa yol yoxdurmu? http://deyerler.org/new/ru/print:page,1,35998-rsrsrsr-rsrss-ryisrrssrissrisrs-risrrrrjosrsrsr.html

Azərbaycanda cinayət prosesində hal şahidləri institutunun fəaliyyətinə zərurət varmı? http://news.milli.az/society/87439.html

Şəkillər