Adil Zeynalov

Adil Ağakərim oğlu Zeynalov (20 fevral 1960(1960-02-20), Lənkəran – 12 mart 2020(2020-03-12), Bakı) — Azərbaycan aktyoru, Azərbaycan Respublikasının əməkdar artisti (2012).

Həyatı

Adil Ağakərim oğlu Zeynalov 20 fevral 1960-cı ildə Lənkəran şəhərində anadan olmuşdur. 1978-ci ildə M.A.Əliyev adına Azərbaycan Dövlət İncəsənət İnstitutunun musiqili komediya aktyorluğu fakultəsinə daxil olmuş və 1983-cü ildə bitirmişdir.

A.Zeynalov teatrda Yeni Azərbaycan Partiyasının ilk təşkilatının sədri və həmkarlar təşkilatının idarə heyətinin üzvü olmuşdur.

Fəaliyyəti

1977-ci ildən N.B.Vəzirov adına Lənkəran Dövlət Dram Teatrında əmək fəaliyyətinə başlamış və burada bir sıra rolları ifa etmiş, rejissor kimi tamaşalara quruluş vermişdir.

Mükafatları

• "Azərbaycan Respublikasının əməkdar artisti" fəxri adı — 9 may 2012

Teatroqrafiya

Aktyor kimi

1. Ü. Hacıbəyov “Olanlardan-keçənlərdən” –Müəllim
2. M. Kərim “Piyada Mahmud” – Mahmud
3. İ. Əfəndiyev “Billur sarayda” – Zahid
4. M. Hüseyn “Cavanşir” – Zöhrab
5. C. Məmmədquluzadə “Ölülər” – Lal
6. B. Nuşiç “Nazirin xanımı” – Ninkoviç
7. Ə. Haqverdiyev “Ağa Məhəmməd şah Qacar” – Səfərqulu xan
8. H. Mirələmov “Vicdanın hökmü” – Qara Fedya
9. Ə. Haqverdiyev “Bəxtsiz cavan” – Hacı Səməd ağa
10. H. Mirələmov “Pənah xan Cavanşir” – Nadir şah
11. H. Mirələmov “Ləyaqət” – Şeydabek
12. Ə. Əmirli “Onun iki qabırğası” – Dədə
13. Sofokl “Şah Edip” – Korifey
14. A. Mədətov “Sezarın qətli” – Brut
15. M. Xubai “Şeytanın oyunları” – Neron
16. Q. Qorin “Herastratı unudun”-Tissafern
17. K. Nəzirli “Şeytan işığı” – Con
18. M. Məmmədov “Sovqat” - Əflatun

Rejissor kimi

1. Ə. Əmirli “Varlı qadın”
2. Ə. Əylisli “Vəzifə”
3. Q. Hüseyni, Ə.Cəmşidi “Hacı Kərimin aya səyahətı”
4. F. Mustafa “İlğım”
5. H. Cavid “Ana”
6. Y. Əzimzadə “Nəsrəddin”
7. L. Korsunski “Fırıldaqçı”
8. C. Fətullayev, A. Zeynalov “Muəmmalı ölüm”
9. Ə. Səmədli “Dəyirman əhvalatı”
10. Ə. Səmədli Toyda Çelentano oxuyur”
11. B. Nişiç “Nazirin xanımı”
12. V. Səmədoğlu “Mamoy kişinin yuxuları”
13. H. Muxtarov “Mən nənə ilə evlənirəm”

Filmoqrafiya

1. Qətl günü (film, 1990)(tammetrajlı bədii film)(rol: Qulam)
2. Durnalar qayıtdı (film, 2003) (tammetrajlı bədii film)
3. 40-cı qapı (film, 2008) (tammetrajlı bədii film)(rol: Surxay)
4. Susmuş vicdan (film, 2010)(bədii serial)