Ada Gabrielyan

Կենսագրություն

Ծնվել է 1941 թվականին Լենինականում երաժիշտների ընտանիքում։ Սովորել է Երևանի պետական գեղարվեստա-թատերական ինստիտուտում, ավարտել է 1965 թվականին։

Զբաղվում է գեղանկարով, գրաֆիկայով, ուսումնասիրել է Հայաստանի պատմական ծիսական հագուստը, գրում և հրատարակում է գրքեր, ալբոմներ, հոդվածներ ժամանակակից և հին արվեստի մասին։

1977-1987 թվականներին դասավանդել է Խ. Աբովյանի անվան մանկավարժական ինստիտուտում, դասավանդել է գեղանկար, գծանկար և կոմպոզիցիա։ 1991-2001 թվականներին դասավանդել է «Հայկական ծիսական հագուստ» առարկան Երևանի գեղարվեստի պետական ակադեմիայում, Բաց համալսարանում, Գեղեցիկ արվեստների համալսարանում։

1990 թվականից առ այսօր գեղանկարի, գրաֆիկայի, ասեղնագործության հետ մեկտեղ գրում է արխայիկ արվեստի տեսության և ժամանակակից արվեստի հետ նրա կապի մասին գրքեր։

Ստեղծագործություններ

• «Տիկինը սևով» 1968 թ.,
• «Փշով աղջիկը» 1969 թ. (մասնավոր հավաքածո),
• «Զվարթնոց» 1969 թ.,
• «Ազատագրում» 1970 թ.
• «Սայաթ Նովա» 1976 թ.,
• «Շուշանիկ Կուրղինյան» 1977 թ.
• «Արևելյան նատյուրմորտ» 1977 թ.,
• Գրաֆիակական աշխատանքներ պարսկական քնարերգության թեմաներով 1977–1980 թ.,
• Մինիմալիզմ
  • «Պահարանի դուռ»,
  • «Տուփ»,
  • «Բաժակ»,
  • «Պլաստմասե աման»,
  • «Ներարկիչ» և այլն
• Գրաֆիկ շարք «Կուռքեր» (Պուշկինի անվան Կերպարվեստի թանգարան (Մոսկվա)) 1985 – 1987 թ.
• Գրաֆիկ շարք «Հոգիներ» 1992.
• Գրաֆիկ շարք «Խորհրդանիշներ» 1995 – 2000 թ.
• Գեղանկարչական գործեր «Գրավիտացիա» 2012 թ.,
• «Կերան» 2013 թ.,
• «Լևոն Գ-ի և Կերան թագուհու ամուսնությունը» 2013 թ.

Երկեր

• «Ռուբեն Ղևոնդյան» (կատալոգ) 2004,
• «Այծեմնիկ Ղևոնդյան» (կատալոգ) 2004,
• «Հայկական ծիսական գլխարկ» 2004,
• «Հետահայաց՝ Բագրատունիների Հայաստանի մայրաքաղաքը Անին» 2012,
• «Հայ արքաների ծիսական հանդերձանքը» (անտիպ)։

Ցուցահանդեսներ

• Մեծ անհատական ցուցահանդես, Երևան, 1983
• 100 աշխատանք, 1985
• Երեք նկարչի ցուցահանդես՝ Ռուբեն Ղևոնդյան, Ադա Գաբրիելյան, Այծեմնիկ Ղևոնդյան, Երևան, 2002

Աղբյուրներ

• «Ադա Գաբրիելյան», Երևան, 1983